ye kya ki parda-e-alfaz mein chhupae mujhe

ye kyā ki parda-e-alfāz meñ chhupā.e mujhe

har ek sher mirā sāmne bhī laa.e mujhe

mirā badan hī tamāzat-pasand hai varna

hazār raah meñ milte rahe haiñ saa.e mujhe

maiñ bā-vafā thā magar us se bevafā.ī kī

ki is sulūk se shāyad vo bhuul jaa.e mujhe

guzar rahā hai ye kis marhale se fan merā

jo naqsh ḳhud meñ banā.ūñ vahī Darā.e mujhe

ye kya ki parda-e-alfaz mein chhupae mujhe

har ek sher mera samne bhi lae mujhe

mera badan hi tamazat-pasand hai warna

hazar rah mein milte rahe hain sae mujhe

main ba-wafa tha magar us se bewafai ki

ki is suluk se shayad wo bhul jae mujhe

guzar raha hai ye kis marhale se fan mera

jo naqsh KHud mein banaun wahi Darae mujhe