یہ کیا تماشا ہے جب بھی آئے تو گزرے برق و شرار بن کر

یہ کیا تماشا ہے جب بھی آئے تو گزرے برق و شرار بن کر

کبھی تو ٹھہرو سکوں کی صورت کبھی تو آؤ قرار بن کر

ابھی تو سب اختیار میں ہے پھرو گے بے اختیار بن کر

تمہارے کوچے سے کشتۂ غم اٹھے گا جس دن غبار بن کر

ابھی ہو نا آشنائے الفت ابھی ہو نا واقف محبت

ابھی کہاں زندگی گزاری مری طرح بے قرار بن کر

امیدیں کروٹ بدل رہی ہیں فسردہ دل کی کلی کھلی ہے

مرے گلستان زندگی میں یہ کون آیا بہار بن کر

ترے ہی وعدوں پہ اے ستم گر تجھے خبر بھی نہیں ہے شاید

ہزاروں راتیں گزار دی ہیں مجسم انتظار بن کر