ye lamha zist ka hai bas aaKHiri hai aur main hun

ye lamha ziist kā hai bas āḳhirī hai aur maiñ huuñ

har ek samt se ab vāpsī hai aur maiñ huuñ

hayāt jaise Thahar sī ga.ī ho ye hī nahīñ

tamām biitī huī zindagī hai aur maiñ huuñ

maiñ apne jism se bāhar huuñ aur hosh bhī hai

zamīñ pe sāmne ik ajnabī hai aur maiñ huuñ

vo koī ḳhvāb ho chāhe ḳhayāl yā sach ho

fazā meñ uḌtī huī chāñdnī hai aur maiñ huuñ

kisī maqām pe rukne ko jī nahīñ kartā

ajiib pyaas ajab tishnagī hai aur maiñ huuñ

akelā ishq hai hijr-o-visāl kuchh bhī nahīñ

bas ek ālam-e-dīvāngī hai aur maiñ huuñ

na lafz hai na sadā phir bhī kyā nahīñ vāzeh

kalām kartī huī ḳhāmushī hai aur maiñ huuñ

surūr-o-kaif kā aalam hadoñ ko chhūtā huā

ḳhudī kā nashsha hai kuchh āgahī hai aur maiñ huuñ

muqābil apne koī hai zarūr kaun hai vo

bisāt-e-dahr hai baazī bichhī hai aur maiñ huuñ

jahāñ na sukh kā hai ehsās aur na dukh kī kasak

usī maqām pe ab shā.irī hai aur maiñ huuñ

mire vajūd ko apne meñ jazb kartī huī

na.ī na.ī sī koī raushnī hai aur maiñ huuñ

jo chand lamhoñ meñ guzrā batā diyā sab kuchh

phir us ke ba.ad vahī zindagī hai aur maiñ huuñ

ye lamha zist ka hai bas aaKHiri hai aur main hun

har ek samt se ab wapsi hai aur main hun

hayat jaise Thahar si gai ho ye hi nahin

tamam biti hui zindagi hai aur main hun

main apne jism se bahar hun aur hosh bhi hai

zamin pe samne ek ajnabi hai aur main hun

wo koi KHwab ho chahe KHayal ya sach ho

faza mein uDti hui chandni hai aur main hun

kisi maqam pe rukne ko ji nahin karta

ajib pyas ajab tishnagi hai aur main hun

akela ishq hai hijr-o-visal kuchh bhi nahin

bas ek aalam-e-diwangi hai aur main hun

na lafz hai na sada phir bhi kya nahin wazeh

kalam karti hui KHamushi hai aur main hun

surur-o-kaif ka aalam hadon ko chhuta hua

KHudi ka nashsha hai kuchh aagahi hai aur main hun

muqabil apne koi hai zarur kaun hai wo

bisat-e-dahr hai bazi bichhi hai aur main hun

jahan na sukh ka hai ehsas aur na dukh ki kasak

usi maqam pe ab shairi hai aur main hun

mere wajud ko apne mein jazb karti hui

nai nai si koi raushni hai aur main hun

jo chand lamhon mein guzra bata diya sab kuchh

phir us ke baad wahi zindagi hai aur main hun