ye log jis se ab inkar karna chahte hain

Saleem Kausar

ye log jis se ab inkar karna chahte hain

Saleem Kausar

MORE BYSaleem Kausar

    ye log jis se ab inkār karnā chāhte haiñ

    vo guftugū dar-o-dīvār karnā chāhte haiñ

    hameñ ḳhabar hai ki guzregā ek sail-e-fanā

    so ham tumheñ bhī ḳhabar-dār karnā chāhte haiñ

    aur is se pahle ki sābit ho jurm-e-ḳhāmoshī

    ham apnī raa.e iz.hār karnā chāhte haiñ

    yahāñ tak aa to ga.e aap mohabbat meñ

    ab aur kitnā gunahgār karnā chāhte haiñ

    gul-e-umīd farozāñ rahe tirī ḳhushbū

    ki log use bhī giraftār karnā chāhte haiñ

    uThā.e phirte haiñ kab se azāb-e-dar-badrī

    ab is ko vaqf-e-rah-e-yār karnā chāhte haiñ

    jahāñ kahānī meñ qātil barī huā hai vahāñ

    ham ik gavāh kirdār karnā chāhte haiñ

    vo ham haiñ jo tirī āvāz sun ke tere hue

    vo aur haiñ ki jo dīdār karnā chāhte haiñ

    ye log jis se ab inkar karna chahte hain

    wo guftugu dar-o-diwar karna chahte hain

    hamein KHabar hai ki guzrega ek sail-e-fana

    so hum tumhein bhi KHabar-dar karna chahte hain

    aur is se pahle ki sabit ho jurm-e-KHamoshi

    hum apni rae ka izhaar karna chahte hain

    yahan tak aa to gae aap ki mohabbat mein

    ab aur kitna gunahgar karna chahte hain

    gul-e-umid farozan rahe teri KHushbu

    ki log use bhi giraftar karna chahte hain

    uThae phirte hain kab se azab-e-dar-badri

    ab is ko waqf-e-rah-e-yar karna chahte hain

    jahan kahani mein qatil bari hua hai wahan

    hum ek gawah ka kirdar karna chahte hain

    wo hum hain jo teri aawaz sun ke tere hue

    wo aur hain ki jo didar karna chahte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY