ye log karte hain mansub jo bayan tujhse
ye log karte haiñ mansūb jo bayāñ tujh se
samajhte haiñ mujhe kar deñge bad-gumāñ tujh se
jahāñ jahāñ mujhe terī anā bachānā thī
shikast khaa.ī hai maiñ ne vahāñ vahāñ tujh se
mire shajar mujhe baazū hilā ke ruḳhsat kar
kahāñ mileñge bhalā mujh ko mehrbāñ tujh se
ḳhudā kare ki ho ta.abīr ḳhvāb kī achchhī
milā huuñ raat maiñ phūloñ ke darmiyāñ tujh se
judā.iyoñ kā sabab sirf ek thā 'taimūr'
tavaqquāt ziyāda thiiñ jān-e-jāñ tujh se
ye log karte hain mansub jo bayan tujh se
samajhte hain mujhe kar denge bad-guman tujh se
jahan jahan mujhe teri ana bachana thi
shikast khai hai main ne wahan wahan tujh se
mere shajar mujhe bazu hila ke ruKHsat kar
kahan milenge bhala mujh ko mehrban tujh se
KHuda kare ki ho tabir KHwab ki achchhi
mila hun raat main phulon ke darmiyan tujh se
judaiyon ka sabab sirf ek tha 'taimur'
tawaqquat ziyaada thin jaan-e-jaan tujh se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
