ye mana humne ye duniya anokhi hai nirali hai

ye maanā ham ne ye duniyā anokhī hai nirālī hai

chalegī chaal kyā ham se hamārī dekhī-bhālī hai

'azīzo tum ko merī chashm-e-tar se kitnā shikva thā

chalo ab ḳhush raho apnā ye paimāna bhī ḳhālī hai

har ik ġham kā mudāvā ek be-mā'nī tabassum hai

mire dil kā bharosa kyā bahut hī lā-ubālī hai

kahīñ mahfil jamā.eñ ham bhī ab pīne-pilāne kī

ye kyā kam hai hamāre paas jo jām-e-sifālī hai

jo kuchh ahvāl hai apnā bayāñ karne se kyā hāsil

zabān-e-ḳhāmushī sāhab-diloñ kā tarz-e-'ālī hai

ye mana hum ne ye duniya anokhi hai nirali hai

chalegi chaal kya hum se hamari dekhi-bhaali hai

'azizo tum ko meri chashm-e-tar se kitna shikwa tha

chalo ab KHush raho apna ye paimana bhi KHali hai

har ek gham ka mudawa ek be-ma'ni tabassum hai

mere dil ka bharosa kya bahut hi la-ubaali hai

kahin mahfil jamaen hum bhi ab pine-pilane ki

ye kya kam hai hamare pas jo jam-e-sifali hai

jo kuchh ahwal hai apna bayan karne se kya hasil

zaban-e-KHamushi sahab-dilon ka tarz-e-'ali hai