ye mana nirali teri aashiqi hai

ye maanā nirālī tirī 'āshiqī hai

par anjām is kā vahī thā vahī hai

ye kaisā hai manzar ye kaise shajar haiñ

na jaane kahāñ 'āshiqī le chalī hai

maiñ tanhā jiyūñ yā ki darvāza kholūñ

mire dar pe merī javānī khaḌī hai

maiñ jo aag dil meñ liye jī rahā thā

vo aag aaj in āñsuoñ se bujhī hai

isī aas meñ ham jiye jā rahe haiñ

añdheroñ se aage bhī ik raushnī hai

mire āñsuoñ se bane haiñ ye sharbat

mire ḳhuun se terī Dolī sajī hai

zarā der legā ye dil phir khulegā

ye taalā purānā hai chābī na.ī hai

maiñ huuñ miil kā ek patthar jise ab

haTāne pe saarī hī duniyā tulī hai

ye mana nirali teri 'ashiqi hai

par anjam is ka wahi tha wahi hai

ye kaisa hai manzar ye kaise shajar hain

na jaane kahan 'ashiqi le chali hai

main tanha jiyun ya ki darwaza kholun

mere dar pe meri jawani khaDi hai

main jo aag dil mein liye ji raha tha

wo aag aaj in aansuon se bujhi hai

isi aas mein hum jiye ja rahe hain

andheron se aage bhi ek raushni hai

mere aansuon se bane hain ye sharbat

mere KHun se teri Doli saji hai

zara der lega ye dil phir khulega

ye tala purana hai chabi nai hai

main hun mil ka ek patthar jise ab

haTane pe sari hi duniya tuli hai