ye maine mana ki pahra hai saKHt raaton ka

ye maiñ ne maanā ki pahra hai saḳht rātoñ kā

yahīñ se niklegā phir qāfila charāġhoñ kā

yuuñ ḳhushbuoñ meñ Dubo.e hue rakhūñ kab tak

gunāh kyuuñ na maiñ kar luuñ qubūl hāthoñ kā

charāġh-pā hai mirī niiñd in dinoñ mujh se

maiñ koī shahr basāne lagā thā ḳhvāboñ kā

hiran sī chaukḌī bharne lagegī har dhaḌkan

jo zikr chheḌ duuñ us kī ġhazāl āñkhoñ kā

ḳhumār o kaif-o-surūr-o-nashāt kā aalam

maiñ qarz-dār bahut huuñ tumhārī bāhoñ kā

ai din tū raushnī de kar ke is ke badle meñ

hisāb maañg na mujh se siyāh rātoñ kā

badan-sarā.e meñ Thahrā huā musāfir huuñ

chukā rahā huuñ kirāya maiñ chand sāñsoñ kā

ye main ne mana ki pahra hai saKHt raaton ka

yahin se niklega phir qafila charaghon ka

yun KHushbuon mein Duboe hue rakhun kab tak

gunah kyun na main kar lun qubul hathon ka

charagh-pa hai meri nind in dinon mujh se

main koi shahr basane laga tha KHwabon ka

hiran si chaukDi bharne lagegi har dhaDkan

jo zikr chheD dun us ki ghazal aankhon ka

KHumar o kaif-o-surur-o-nashat ka aalam

main qarz-dar bahut hun tumhaari bahon ka

ai din tu raushni de kar ke is ke badle mein

hisab mang na mujh se siyah raaton ka

badan-sarae mein Thahra hua musafir hun

chuka raha hun kiraya main chand sanson ka