یہ مقتل ہے یہاں پر سر نہ بدلو
یہ مقتل ہے یہاں پر سر نہ بدلو
تم آنکھوں کے ابھی خنجر نہ بدلو
سفینہ ڈوب سکتا ہے کسی پل
یہ طوفاں ہے یہاں لنگر نہ بدلو
اسی انداز میں باتیں کرو تم
ذرا سی بات پر تیور نہ بدلو
حویلی کر لو اپنے نام لیکن
ہمارے نام کا پتھر نہ بدلو
تمہی تم ہو مرے شعر و سخن میں
مگر تم شعر کا پیکر نہ بدلو
یہ شب ہر پل بدلتی جا رہی ہے
ستارو تم تو یہ منظر نہ بدلو
بدل دو قید خانے کی سلاخیں
مگر زنجیر گوہرؔ تم نہ بدلو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
