ye marhala hai mere aazmae jaane ka
ye marhala hai mire āzmā.e jaane kā
milā hai hukm mujhe kashtiyāñ jalāne kā
bahāna DhūñD rahe haiñ tamām ahl-e-sitam
fasīl-e-shahr-e-vafā meñ naqab lagāne kā
baḌe sukūn se soī hai aaj ḳhilqat-e-shahr
manā ke jashn charāġhoñ kī lau bujhāne kā
havā-e-shahr hī jab ho ga.ī ḳhilāf mire
use bhī aa gayā fan uñgliyāñ uThāne kā
mire vajūd meñ zinda hai shaukat-e-māzī
maiñ ik sutūn huuñ guzre hue zamāne kā
rukī huī hai lab-e-ḳhushk par hayāt kī buuñd
phir us ke ba.ad to manzar hai Duub jaane kā
safar kī shaam mirī zindagī ke māthe par
bas ik sitāra tire nuur āstāne kā
ye marhala hai mere aazmae jaane ka
mila hai hukm mujhe kashtiyan jalane ka
bahana DhunD rahe hain tamam ahl-e-sitam
fasil-e-shahr-e-wafa mein naqab lagane ka
baDe sukun se soi hai aaj KHilqat-e-shahr
mana ke jashn charaghon ki lau bujhane ka
hawa-e-shahr hi jab ho gai KHilaf mere
use bhi aa gaya fan ungliyan uThane ka
mere wajud mein zinda hai shaukat-e-mazi
main ek sutun hun guzre hue zamane ka
ruki hui hai lab-e-KHushk par hayat ki bund
phir us ke baad to manzar hai Dub jaane ka
safar ki sham meri zindagi ke mathe par
bas ek sitara tere nur aastane ka
- Book : Urdu Adab (Pg. 47)
- Author : Iqbal Hussain
- Publication : Iqbal Hussain Publishers (Jan, Feb. Mar 1996)
- Edition : Jan, Feb. Mar 1996
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
