ye masala bhi hoga kabhi hal kisi tarah

ye mas.ala bhī hogā kabhī hal kisī tarah

yā'nī junūn-e-'ishq mukammal kisī tarah

shab kī siyāhiyoñ ko ujālā banā.ūñgā

mil jaa.e us kī aañkh kā kājal kisī tarah

kachhve ne āsmān ko sar par uThā liyā

ik-ādh baar aa gayā avval kisī tarah

shāḳh-e-'ulūm is pe ba-zid hai ba-sad-shu'ūr

zanjīr-e-pā banā.uñgī paa.el kisī tarah

sūkhe hue daraḳht kī āñkhoñ meñ darj thā

ho jaa.e sabz jism kā jangal kisī tarah

ye kaun log haiñ are ye kaun log haiñ

chup-chāp baiThte nahīñ pāgal kisī tarah

kab tak chalegā dūsre logoñ ke paañv par

ḳhud apne paañv par bhī kabhī chal kisī tarah

rakkhūñgā maiñ vo qīmtī zamzam sañbhāl kar

barsā jo us kī aañkh se bādal kisī tarah

vo shaḳhs kul-jahān pe chhā jā.egā 'sa'ūd'

chhuT jaa.e us ke haath se botal kisī tarah

ye masala bhi hoga kabhi hal kisi tarah

ya'ni junun-e-'ishq mukammal kisi tarah

shab ki siyahiyon ko ujala banaunga

mil jae us ki aankh ka kajal kisi tarah

kachhwe ne aasman ko sar par uTha liya

ik-adh bar aa gaya awwal kisi tarah

shaKH-e-'ulum is pe ba-zid hai ba-sad-shu'ur

zanjir-e-pa banaungi pael kisi tarah

sukhe hue daraKHt ki aankhon mein darj tha

ho jae sabz jism ka jangal kisi tarah

ye kaun log hain are ye kaun log hain

chup-chap baiThte nahin pagal kisi tarah

kab tak chalega dusre logon ke panw par

KHud apne panw par bhi kabhi chal kisi tarah

rakkhunga main wo qimti zamzam sanbhaal kar

barsa jo us ki aankh se baadal kisi tarah

wo shaKHs kul-jahan pe chha jaega 'sa'ud'

chhuT jae us ke hath se botal kisi tarah