یہ مت پوچھو قصہ کیا تھا
یہ مت پوچھو قصہ کیا تھا
کیا بتلائیں گزرا کیا تھا
ہم نے دو پل کے ریلے میں
دیکھا بھی تو دیکھا کیا تھا
ہجر و وصل اور رشتے ناطے
چار دنوں کا میلہ کیا تھا
لب نے ہنس کر بات بنا دی
کون یہ سمجھا ٹوٹا کیا تھا
سب کو اپنا کر بھی تنہا
اس سے بڑھ کر دھوکا کیا تھا
دل بھی غم بھی اور سپنے بھی
سب اس کے تھے اپنا کیا تھا
راگؔ نہ دیکھا آئینہ بھی
چہرہ مجھ سے کہتا کیا تھا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
