یہ مت سمجھنا فقیر ہوں میں
انا کے حق میں کثیر ہوں میں
مجھے ستارہ سمجھنے والوں
فلک پہ بدر منیر ہوں میں
ہے منصفی میرے دم سے قائم
عدالتوں کی مشیر ہوں میں
ہے مجھ میں زنجیر چاہتوں کی
محبتوں کی اسیر ہوں میں
حقیقتیں مجھ میں خیمہ زن ہیں
صداقتوں کی سفیر ہوں میں
کہاں گئی عشق کی وہ شدت
نہ تو وہ رانجھا نہ ہیر ہوں میں
کہاں رہا تیرگی کا عالم
ازل سے روشن ضمیر ہوں میں
سجا ہے شعروں میں درد میناؔ
غزل کے لہجے کی میرؔ ہوں میں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
