ye mein hun aur ye asnam mere
ye meñ huuñ aur ye asnām mere
inheñ jo naam do sab naam mere
hai in kī raushnī mujh se bhī aage
maiñ achchhā mujh se achchhe kaam mere
na kar tū baat mujh se mausamoñ kī
ye mausam sub.h tere shaam mere
dukān-e-ḳhvāb meñ chehra-e-nigar huuñ
koī shāyad chukā de daam mere
tamannāoñ ke zaḳhm īzāoñ ke zaḳhm
yahī kuchh zaḳhm haiñ in.aam mere
maiñ kyā virse meñ duuñ ā.indagāñ ko
bas un ke naam haiñ paiġhām mere
ye mein hun aur ye asnam mere
inhen jo nam do sab nam mere
hai in ki raushni mujh se bhi aage
main achchha mujh se achchhe kaam mere
na kar tu baat mujh se mausamon ki
ye mausam subh tere sham mere
dukan-e-KHwab mein chehra-e-nigar hun
koi shayad chuka de dam mere
tamannaon ke zaKHm izaon ke zaKHm
yahi kuchh zaKHm hain inam mere
main kya wirse mein dun aaindagan ko
bas un ke nam hain paigham mere
- Book : Kulliyat-e-Mahshar Badayuni (Pg. 463)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
