یہ میرا مذاق محبت نہیں ہے
یہ میرا مذاق محبت نہیں ہے
میں کیسے کہوں غم میں راحت نہیں ہے
یہ کیا کہہ گیا عجلت عرض غم میں
مجھے تم سے کوئی شکایت نہیں ہے
محبت سمجھ کی حدوں سے ہے باہر
سمجھ میں جو آئے محبت نہیں ہے
پشیمانیاں ہیں فسوں کاریاں ہیں
ان آنکھوں میں سب ہے مروت نہیں ہے
غم دل کہا تم سے اپنا سمجھ کر
شکایت نہ سمجھو شکایت نہیں ہے
سمجھ لو اسے ایک ساز شکستہ
کہ جس دل میں درد محبت نہیں ہے
نہ چھلکے ترا عکس تصویر جن میں
ان اشکوں سے دامن کی زینت نہیں ہے
انہیں شوقؔ اپنا غم دل سنا دے
کوئی اور راحت کی صورت نہیں ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
