ye mera shahr sahra ho gaya hai

ye merā shahr sahrā ho gayā hai

nahīñ honā thā aisā ho gayā hai

ḳhushī meñ bhī kamī kuchh aa ga.ī hai

ġhamoñ meñ bhī izāfa ho gayā hai

maiñ itnā TuuT kar us se milā huuñ

mirā dushman bhī merā ho gayā hai

vo dariyā thā ravāñ rahtā thā pal pal

simaT kar ab kināra ho gayā hai

usī ke dam se zinda thī mohabbat

vahī ik shaḳhs kaisā ho gayā hai

udhar se ham bhī jaanā chāhte haiñ

udhar se bhī ishāra ho gayā hai

jise sadiyāñ lagī haiñ bante bante

vo sab kuchh pāra-pāra ho gayā hai

ye mera shahr sahra ho gaya hai

nahin hona tha aisa ho gaya hai

KHushi mein bhi kami kuchh aa gai hai

ghamon mein bhi izafa ho gaya hai

main itna TuT kar us se mila hun

mera dushman bhi mera ho gaya hai

wo dariya tha rawan rahta tha pal pal

simaT kar ab kinara ho gaya hai

usi ke dam se zinda thi mohabbat

wahi ek shaKHs kaisa ho gaya hai

udhar se hum bhi jaana chahte hain

udhar se bhi ishaara ho gaya hai

jise sadiyan lagi hain bante bante

wo sab kuchh para-para ho gaya hai