ye mili etibar ki qimat

ye milī e'tibār kī qīmat

lag ga.ī mere pyaar kī qīmat

mujh se ik jañg jītnī thī use

so lagī merī haar kī qīmat

ham ko ik phuul tak nasīb nahīñ

ham se pūchho bahār kī qīmat

aap ko pyaar mil gayā apnā

aap kyā jaano pyaar kī qīmat

aa ke bāhoñ meñ bhar liyā us ne

mil ga.ī intizār kī qīmat

ye mili e'tibar ki qimat

lag gai mere pyar ki qimat

mujh se ek jang jitni thi use

so lagi meri haar ki qimat

hum ko ek phul tak nasib nahin

hum se puchho bahaar ki qimat

aap ko pyar mil gaya apna

aap kya jaano pyar ki qimat

aa ke bahon mein bhar liya us ne

mil gai intizar ki qimat