ye mera wahm to kuchh aur suna jata hai

ye mirā vahm to kuchh aur sunā jaatā hai

ik gumāñ hai ki tirā aks dikhā jaatā hai

ek tasvīr dil-e-hijr-zada meñ hai tirī

ek tasvīr koī aur banā jaatā hai

terī minnat bhī mirī jaañ baḌī kī jaatī hai

zer-e-lab ek vazīfa bhī paḌhā jaatā hai

chāñd ne mujh pe kamāñ ek tanī hotī hai

tiir lagtā nahīñ kis or chalā jaatā hai

tū jo aatā hai mahaktā huuñ gulāboñ kī tarah

aur tirā ḳhvāb jab aatā hai rulā jaatā hai

jāntā huuñ na ta.alluq na zarūrat hai tujhe

tujh ko ye kaun mire paas biThā jaatā hai

ik javāñ us kī galī meñ jo gayā maarā gayā

ye fasāna hai magar kis se sunā jaatā hai

ye mera wahm to kuchh aur suna jata hai

ek guman hai ki tera aks dikha jata hai

ek taswir dil-e-hijr-zada mein hai teri

ek taswir koi aur bana jata hai

teri minnat bhi meri jaan baDi ki jati hai

zer-e-lab ek wazifa bhi paDha jata hai

chand ne mujh pe kaman ek tani hoti hai

tir lagta nahin kis or chala jata hai

tu jo aata hai mahakta hun gulabon ki tarah

aur tera KHwab jab aata hai rula jata hai

jaanta hun na talluq na zarurat hai tujhe

tujh ko ye kaun mere pas biTha jata hai

ek jawan us ki gali mein jo gaya mara gaya

ye fasana hai magar kis se suna jata hai