ye misra nahin hai wazifa mera hai

ye misra.a nahīñ hai vazīfa mirā hai

ḳhudā hai mohabbat mohabbat ḳhudā hai

kahūñ kis tarah maiñ ki vo bevafā hai

mujhe us kī majbūriyoñ kā patā hai

havā ko bahut sar-kashī kā nasha hai

magar ye na bhūle diyā bhī diyā hai

maiñ us se judā huuñ vo mujh se judā hai

mohabbat ke māroñ pe fazl-e-ḳhudā hai

nazar meñ hai jalte makānoñ kā manzar

chamakte haiñ jugnū to dil kāñptā hai

unheñ bhūlnā yā unheñ yaad karnā

vo bichhḌe haiñ jab se yahī mashġhala hai

guzartā hai har shaḳhs chehra chhupā.e

koī raah meñ ā.īna rakh gayā hai

baḌī jaan levā haiñ maazī kī yādeñ

bhulāne ko jī bhī nahīñ chāhtā hai

kahāñ tū 'ḳhumār' aur kahāñ kufr tauba

tujhe pārsāoñ ne bahkā diyā hai

ye misra nahin hai wazifa mera hai

KHuda hai mohabbat mohabbat KHuda hai

kahun kis tarah main ki wo bewafa hai

mujhe us ki majburiyon ka pata hai

hawa ko bahut sar-kashi ka nasha hai

magar ye na bhule diya bhi diya hai

main us se juda hun wo mujh se juda hai

mohabbat ke maron pe fazl-e-KHuda hai

nazar mein hai jalte makanon ka manzar

chamakte hain jugnu to dil kanpta hai

unhen bhulna ya unhen yaad karna

wo bichhDe hain jab se yahi mashghala hai

guzarta hai har shaKHs chehra chhupae

koi rah mein aaina rakh gaya hai

baDi jaan lewa hain mazi ki yaaden

bhulane ko ji bhi nahin chahta hai

kahan tu 'KHumar' aur kahan kufr tauba

tujhe parsaon ne bahka diya hai