ye moajiza bhi muqaddar mujhe dikhae kahin

ye mo.ajiza bhī muqaddar mujhe dikhā.e kahīñ

vo ab ke aa.e to jaane kī rah na paa.e kahīñ

chhupā chhupā ke rakhā maiñ ne jis ko ḳhud se bhī

vo terā zikr kitāboñ meñ ab na aa.e kahīñ

huī hai umr nibhāte hue tire ġham se

ye hausla bhī magar ab na maat khaa.e kahīñ

ajiib jashn-e-bahārāñ hai baaġh sab ujḌe

makān tab ye guloñ se ga.e sajā.e kahīñ

tamām fasl karūñ nazr abr kī 'āsim'

jo bārishoñ meñ mirā khet bhī nahā.e kahīñ

ye moajiza bhi muqaddar mujhe dikhae kahin

wo ab ke aae to jaane ki rah na pae kahin

chhupa chhupa ke rakha main ne jis ko KHud se bhi

wo tera zikr kitabon mein ab na aae kahin

hui hai umr nibhate hue tere gham se

ye hausla bhi magar ab na mat khae kahin

ajib jashn-e-bahaaran hai bagh sab ujDe

makan tab ye gulon se gae sajae kahin

tamam fasl karun nazr abr ki 'asim'

jo barishon mein mera khet bhi nahae kahin