یہ ملاقات نہ ٹالوں گا چلا آؤں گا

یہ ملاقات نہ ٹالوں گا چلا آؤں گا

کوئی ترکیب نکالوں گا چلا آؤں گا

دل ابھی تم سے ملاقات کو تیار نہیں

جیسے ہی دل کو منا لوں گا چلا آؤں گا

اب نہیں میں وہ جسے تم نے کبھی چاہا تھا

خود کو اس شکل میں ڈھالوں گا چلا آؤں گا

سوچتا ہوں میں کہ آنا کوئی مشکل بھی نہیں

اک بہانا ہی بنا لوں گا چلا آؤں گا

اب بھی لگتا ہے کہ تم میرے نہیں ہو کامل

جب تمہیں اپنا بنا لوں گا چلا آؤں گا

میری تقدیر ابھی مجھ سے خفا ہے جاناں

روٹھی تقدیر منا لوں گا چلا آؤں گا

منتظر ہوں یہ کہو تم کہ ابھی آ جاؤ

وقت سے ہاتھ ملا لوں گا چلا آؤں گا

کوئی امید نہیں کوئی توقع بھی نہیں

اب تو بس نام خدا لوں گا چلا آؤں گا