ye musht-e-KHak mujhko ek jahan malum hoti hai

ye musht-e-ḳhāk mujh ko ik jahāñ ma.alūm hotī hai

jo gard-e-kārvāñ hai kārvāñ ma.alūm hotī hai

mujhe chashm-e-sitam jab mehrbāñ ma.alūm hotī hai

to saarī duniyā apnī ham-ināñ ma.alūm hotī hai

agar samjhe to kuchh sayyād us kī aarzū samjhe

jise bijlī hī zeb-e-ashiyāñ ma.alūm hotī hai

bhar aaya dil tarāne bulbul-e-nāshād ke sun kar

kahānī ġham kī naġhmoñ meñ nihāñ ma.alūm hotī hai

kalī kā muskurānā dāman-e-gulchīñ ko dāvat hai

mirī har aarzū kyoñ gulsitāñ ma.alūm hotī hai

mohabbat kā fasāna kyā bas ik harf-e-tamannā hai

zarā sī baat hai aur dāstāñ ma.alūm hotī hai

mirā muñh dekhte haiñ dam-ba-ḳhud haiñ sāġhar-o-mīnā

tirī mahfil kī har shai rāzdāñ ma.alūm hotī hai

ye musht-e-KHak mujh ko ek jahan malum hoti hai

jo gard-e-karwan hai karwan malum hoti hai

mujhe chashm-e-sitam jab mehrban malum hoti hai

to sari duniya apni ham-inan malum hoti hai

agar samjhe to kuchh sayyaad us ki aarzu samjhe

jise bijli hi zeb-e-ashiyan malum hoti hai

bhar aaya dil tarane bulbul-e-nashad ke sun kar

kahani gham ki naghmon mein nihan malum hoti hai

kali ka muskurana daman-e-gulchin ko dawat hai

meri har aarzu kyon gulsitan malum hoti hai

mohabbat ka fasana kya bas ek harf-e-tamanna hai

zara si baat hai aur dastan malum hoti hai

mera munh dekhte hain dam-ba-KHud hain saghar-o-mina

teri mahfil ki har shai raazdan malum hoti hai