ye na samjho ki kisi dard ke izhaar mein thi
ye na samjho ki kisī dard ke iz.hār meñ thī
aarzū vaqt ke TuuTe hue pindār meñ thī
jaane kyā DhūñDhtā phirtā thā yahāñ merā vajūd
ik udāsī mire ghar ke dar-o-dīvār meñ thī
merī taḳh.īl meñ alfāz kī zanjīreñ thiiñ
zindagī varna zamāne tirī raftār meñ thī
kartī phirtī thī ujāloñ kī qabā merī talāsh
aur maiñ thī ki añdheroñ ke kisī ġhaar meñ thī
log samjhe hī nahīñ mere hunar ko varna
mujh meñ fankār thā poshīda maiñ fankār meñ thī
ye na samjho ki kisi dard ke izhaar mein thi
aarzu waqt ke TuTe hue pindar mein thi
jaane kya DhunDhta phirta tha yahan mera wajud
ek udasi mere ghar ke dar-o-diwar mein thi
meri taKHil mein alfaz ki zanjiren thin
zindagi warna zamane teri raftar mein thi
karti phirti thi ujalon ki qaba meri talash
aur main thi ki andheron ke kisi ghaar mein thi
log samjhe hi nahin mere hunar ko warna
mujh mein fankar tha poshida main fankar mein thi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
