ye nahin ki wo karam parwari karta hi nahin

ye nahīñ ki vo karam parvarī kartā hī nahīñ

dil vo TuuTā huā bartan hai ki bhartā hī nahīñ

ek uljhan hai ki baḌhtī hī chalī jaatī hai

ik tamāshā hai ki āñkhoñ se utartā hī nahīñ

ik tire hijr kī mī.ād ki kaaTe na kaTe

ik tire vasl kā lamha ki Thahartā hī nahīñ

dosto laao koī kashtī-e-nūh-e-ummīd

ab ke paanī vo chaḌhā hai ki utartā hī nahīñ

ashk-e-ḳhūn-e-dil-e-vahshī dabe paañv vaalā

ik musāfir hai ki palkoñ se guzartā hī nahīñ

umr-bhar dete rahe haiñ tujhe tāvān-e-vafā

sūd-dar-sūd tirā qarz utartā hī nahīñ

ye nahin ki wo karam parwari karta hi nahin

dil wo TuTa hua bartan hai ki bharta hi nahin

ek uljhan hai ki baDhti hi chali jati hai

ek tamasha hai ki aankhon se utarta hi nahin

ek tere hijr ki miad ki kaTe na kaTe

ek tere wasl ka lamha ki Thaharta hi nahin

dosto lao koi kashti-e-nuh-e-ummid

ab ke pani wo chaDha hai ki utarta hi nahin

ashk-e-KHun-e-dil-e-wahshi dabe panw wala

ek musafir hai ki palkon se guzarta hi nahin

umr-bhar dete rahe hain tujhe tawan-e-wafa

sud-dar-sud tera qarz utarta hi nahin