ye nahin ya wo nahin ya tum nahin ya hum nahin

ye nahīñ yā vo nahīñ yā tum nahīñ yā ham nahīñ

kaun is duniyā meñ aisā hai ki jis ko ġham nahīñ

ek ik tasvīr hai mahfūz ab tak hū-bahū

ai tasavvur tujh se behtar koī bhī album nahīñ

fā.eda takrār se kyā hogā jaane dījiye

ham se vāqif tum nahīñ ho tum se vāqif ham nahīñ

ham bhī tāvīloñ se dil bahlā rahe haiñ kyā kareñ

ab sa’ādat-mand bachche mo'jize se kam nahīñ

chāhe jitnī bhī ghumā kar baat kī jaa.e 'shakīl'

muskurā kar saaf kah dete haiñ vo har dam nahīñ

ye nahin ya wo nahin ya tum nahin ya hum nahin

kaun is duniya mein aisa hai ki jis ko gham nahin

ek ek taswir hai mahfuz ab tak hu-bahu

ai tasawwur tujh se behtar koi bhi album nahin

faeda takrar se kya hoga jaane dijiye

hum se waqif tum nahin ho tum se waqif hum nahin

hum bhi tawilon se dil bahla rahe hain kya karen

ab sa’adat-mand bachche mo'jize se kam nahin

chahe jitni bhi ghuma kar baat ki jae 'shakil'

muskura kar saf kah dete hain wo har dam nahin