یہ نہیں یا وہ نہیں یا تم نہیں یا ہم نہیں

یہ نہیں یا وہ نہیں یا تم نہیں یا ہم نہیں

کون اس دنیا میں ایسا ہے کہ جس کو غم نہیں

ایک اک تصویر ہے محفوظ اب تک ہو بہو

اے تصور تجھ سے بہتر کوئی بھی البم نہیں

فائدہ تکرار سے کیا ہوگا جانے دیجیے

ہم سے واقف تم نہیں ہو تم سے واقف ہم نہیں

ہم بھی تاویلوں سے دل بہلا رہے ہیں کیا کریں

اب سعادت مند بچے معجزے سے کم نہیں

چاہے جتنی بھی گھما کر بات کی جائے شکیلؔ

مسکرا کر صاف کہہ دیتے ہیں وہ ہر دم نہیں