ye nang-e-ashiqi hai sud o hasil dekhne wale

ye nañg-e-āshiqī hai suud o hāsil dekhne vaale

yahāñ gumrāh kahlāte haiñ manzil dekhne vaale

ḳhat-e-sāġhar meñ rāz-e-haq-o-bātil dekhne vaale

abhī kuchh log haiñ saaqī kī mahfil dekhne vaale

maze aa aa ga.e haiñ ishva-hā-e-husn-e-rañgīñ ke

taḌapte haiñ abhī tak raqs-e-bismil dekhne vaale

yahāñ to umr guzrī hai isī mauj o talātum meñ

vo koī aur hoñge sair-e-hāsil dekhne vaale

mire naġhmoñ se sahbā-e-kuhan bhī ho ga.ī paanī

ta.ajjub kar rahe haiñ rañg-e-mahfil dekhne vaale

junūn-e-ishq meñ hastī aalam par nazar kaisī

ruḳh-e-lailā ko kyā dekheñge mahmil dekhne vaale

ye nang-e-ashiqi hai sud o hasil dekhne wale

yahan gumrah kahlate hain manzil dekhne wale

KHat-e-saghar mein raaz-e-haq-o-baatil dekhne wale

abhi kuchh log hain saqi ki mahfil dekhne wale

maze aa aa gae hain ishwa-ha-e-husn-e-rangin ke

taDapte hain abhi tak raqs-e-bismil dekhne wale

yahan to umr guzri hai isi mauj o talatum mein

wo koi aur honge sair-e-hasil dekhne wale

mere naghmon se sahba-e-kuhan bhi ho gai pani

tajjub kar rahe hain rang-e-mahfil dekhne wale

junun-e-ishq mein hasti aalam par nazar kaisi

ruKH-e-laila ko kya dekhenge mahmil dekhne wale