یہ ننھا سا سپاہی انتہائی شوق سے اذن شہادت مانگتا ہے

یہ ننھا سا سپاہی انتہائی شوق سے اذن شہادت مانگتا ہے

نہیں ابطال باطل کے لئے شمشیر بازی کی اجازت مانگتا ہے

اسے ہے دن کو دن کہنا اسے ہے شب کو شب کہنا کسی بھی مرحلے پر

کبھی وہ یار غار مصطفیٰ صدیق اکبر سی صداقت مانگتا ہے

اسے تو حق کو حق باطل کو باطل کر دکھانے کی تڑپ بھی ہے لگن بھی

عمر فاروق اعظم کے زمانے کی خلافت کی عدالت مانگتا ہے

کلید علم و حکمت سے کلید زہد و طاعت سے حیا داری کی صورت

کبھی عثمان بن عفان سی فہم و فراست کی سیاست مانگتا ہے

کہیں تو جانفشانی کی کہیں تو جاں نثاری کی سعادت کی طلب میں

کبھی شیر خدا سی حیدر کرار سی رن میں شجاعت مانگتا ہے

ذرا سی جان ہے اس کی مگر ارمان ہے اس کے شہادت کی صفت کے

کبھی حمزہ کبھی خالد سی میدان وفا میں استقامت مانگتا ہے