ye nanha sa sipahi intihai shauq se izn-e-shahadat mangta hai

ye nanhā sā sipāhī intihā.ī shauq se izn-e-shahādat māñgtā hai

nahīñ ibtāl-e-bātil ke liye shamshīr-bāzī kī ijāzat māñgtā hai

use hai din ko din kahnā use hai shab ko shab kahnā kisī bhī marhale par

kabhī vo yār-e-ġhār-e-mustafā siddīq-e-akbar sī sadāqat māñgtā hai

use to haq ko haq bātil ko bātil kar dikhāne kī taḌap bhī hai lagan bhī

umar fārūq-e-āzam ke zamāne kī ḳhilāfat kī adālat māñgtā hai

kalīd-e-ilm-o-hikmat se kalīd-e-zohd-o-tā.at se hayā-dārī kī sūrat

kabhī usmān-bin-affān sī fahm-o-farāsat kī siyāsat māñgtā hai

kahīñ to jāñ-fishānī kī kahīñ to jāñ-nisārī kī sa.ādat kī talab meñ

kabhī sher-e-ḳhudā sī haidar-e-karrār sī ran meñ shujā.at māñgtā hai

zarā sī jaan hai us kī magar armān hai us ke shahādat kī sifat ke

kabhī hamza kabhī ḳhālid sī maidān-e-vafā meñ istaqāmat māñgtā hai

ye nanha sa sipahi intihai shauq se izn-e-shahadat mangta hai

nahin ibtal-e-baatil ke liye shamshir-bazi ki ijazat mangta hai

use hai din ko din kahna use hai shab ko shab kahna kisi bhi marhale par

kabhi wo yar-e-ghaar-e-mustafa siddiq-e-akbar si sadaqat mangta hai

use to haq ko haq baatil ko baatil kar dikhane ki taDap bhi hai lagan bhi

umar faruq-e-azam ke zamane ki KHilafat ki adalat mangta hai

kalid-e-ilm-o-hikmat se kalid-e-zohd-o-taat se haya-dari ki surat

kabhi usman-bin-affan si fahm-o-farasat ki siyasat mangta hai

kahin to jaan-fishani ki kahin to jaan-nisari ki saadat ki talab mein

kabhi sher-e-KHuda si haidar-e-karrar si ran mein shujaat mangta hai

zara si jaan hai us ki magar arman hai us ke shahadat ki sifat ke

kabhi hamza kabhi KHalid si maidan-e-wafa mein istaqamat mangta hai