ye pathrae hue dil kab kudurat se nikalte hain

ye pathrā.e hue dil kab kudūrat se nikalte haiñ

ye vo insāñ haiñ jo patthar kī mūrat se nikalte haiñ

mujhe milne se matlab aur vo matlab se miltā hai

yahāñ sab apnī apnī hī zarūrat se nikalte haiñ

ye sach hai vāpsī tak nuur chehre par nahīñ rahtā

ham apne ghar se yuuñ to ḳhūbsūrat se nikalte haiñ

zarūrat be-ġharaz rishte bhī aksar phūñk detī hai

chalo be-laus ho kar is zarūrat se nikalte haiñ

tirī tasvīr bhī akkās āḳhir kyā utāreñge

kahāñ ye 'aks gahre terī sūrat se nikalte haiñ

hamārī maut par bhī gar Drama chalte rahnā hai

to is kirdār se bāhar mahūrat se nikalte haiñ

ye pathrae hue dil kab kudurat se nikalte hain

ye wo insan hain jo patthar ki murat se nikalte hain

mujhe milne se matlab aur wo matlab se milta hai

yahan sab apni apni hi zarurat se nikalte hain

ye sach hai wapsi tak nur chehre par nahin rahta

hum apne ghar se yun to KHubsurat se nikalte hain

zarurat be-gharaz rishte bhi aksar phunk deti hai

chalo be-laus ho kar is zarurat se nikalte hain

teri taswir bhi akkas aaKHir kya utarenge

kahan ye 'aks gahre teri surat se nikalte hain

hamari maut par bhi gar Drama chalte rahna hai

to is kirdar se bahar mahurat se nikalte hain