ye qanaat hai ki har haal mein KHush rahte hain

ye qanā.at hai ki har haal meñ ḳhush rahte haiñ

daal miltī hai to ham daal meñ ḳhush rahte haiñ

ishq se ham ko rihā.ī nahīñ achchhī lagtī

ham vo panchhī haiñ ki jo jaal meñ ḳhush rahte haiñ

merā maulā tire hāthoñ ko salāmat rakkhe

mere aañsū tire rūmāl meñ ḳhush rahte haiñ

vaqt guzrā to judā.ī bhī judā.ī na rahī

ham yahāñ aur vo bhopal meñ ḳhush rahte haiñ

har baras apne bichhaḌ jaate haiñ 'nāzim'-ashraf

log be-kār na.e saal meñ ḳhush rahte haiñ

ye qanaat hai ki har haal mein KHush rahte hain

dal milti hai to hum dal mein KHush rahte hain

ishq se hum ko rihai nahin achchhi lagti

hum wo panchhi hain ki jo jal mein KHush rahte hain

mera maula tere hathon ko salamat rakkhe

mere aansu tere rumal mein KHush rahte hain

waqt guzra to judai bhi judai na rahi

hum yahan aur wo bhopal mein KHush rahte hain

har baras apne bichhaD jate hain 'nazim'-ashraf

log be-kar nae sal mein KHush rahte hain