ye rang-e-wafa lutf ke andaz to dekho

ye rang-e-vafā lutf ke andāz to dekho

anjām abhī duur hai āġhāz to dekho

phir jaag uThī murda-o-ḳhvābīda tamanna

anjām abhī duur hai āġhāz to dekho

phir jaag uThī murda-o-ḳhvābīda tamanna

ik rashk-e-masīhā kā ye e'jāz to dekho

phir dīda-o-dil meñ hai vahī kaif kā 'ālam

jazb-o-asar-e-husn-e-fusūñ-sāz to dekho

ik jazba-e-be-nām liye phirtā hai dil ko

is tā.ir-e-par-basta kī parvāz to dekho

'mumtāz' har ehsās ko baḳhshā hai nayā ruup

ye mo'jiza-e-'ishq-e-sanam-sāz to dekho

ye rang-e-wafa lutf ke andaz to dekho

anjam abhi dur hai aaghaz to dekho

phir jag uThi murda-o-KHwabida tamanna

anjam abhi dur hai aaghaz to dekho

phir jag uThi murda-o-KHwabida tamanna

ek rashk-e-masiha ka ye e'jaz to dekho

phir dida-o-dil mein hai wahi kaif ka 'alam

jazb-o-asar-e-husn-e-fusun-saz to dekho

ek jazba-e-be-nam liye phirta hai dil ko

is tair-e-par-basta ki parwaz to dekho

'mumtaz' har ehsas ko baKHsha hai naya rup

ye mo'jiza-e-'ishq-e-sanam-saz to dekho