ye rang-o-kaif kahan tha shabab se pahle
ye rang-o-kaif kahan tha shabab se pahle
Akhtar Ansari Akbarabadi
MORE BYAkhtar Ansari Akbarabadi
ye rañg-o-kaif kahāñ thā shabāb se pahle
nazar kuchh aur thī mauj-e-sharāb se pahle
na jaane haal ho kyā daur-e-iztirāb ke ba.ad
sukūñ milā na kabhī iztirāb se pahle
vahī ġharīb haiñ ḳhāna-ḳharāb se ab bhī
ravāñ-davāñ the jo ḳhāna-ḳharāb se pahle
vahī hai hashr kā aalam ab inqalāb ke ba.ad
jo hashr uThā thā yahāñ inqalāb se pahle
milī hai tujh se to mahsūs ho rahī hai nazar
nazar kahāñ thī tire intiḳhāb se pahle
tabāh haal zamāne ko dekhiye 'aḳhtar'
nazar uThā.iye jām-e-sharāb se pahle
ye rang-o-kaif kahan tha shabab se pahle
nazar kuchh aur thi mauj-e-sharab se pahle
na jaane haal ho kya daur-e-iztirab ke baad
sukun mila na kabhi iztirab se pahle
wahi gharib hain KHana-KHarab se ab bhi
rawan-dawan the jo KHana-KHarab se pahle
wahi hai hashr ka aalam ab inqalab ke baad
jo hashr uTha tha yahan inqalab se pahle
mili hai tujh se to mahsus ho rahi hai nazar
nazar kahan thi tere intiKHab se pahle
tabah haal zamane ko dekhiye 'aKHtar'
nazar uThaiye jam-e-sharab se pahle
Source:
Dil-e-ruswa (Pg. E-114 B-111)
- Author: Akhtar Ansari Akbarabadi
-
- Publisher: Halqa-e-Arbab, Karachi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
