ye roz-o-shab guzarte lag rahe hain

ye roz-o-shab guzarte lag rahe haiñ

magar lamhe Thaharte lag rahe haiñ

na jaane kab se lāsheñ saḌ rahī haiñ

parinde gasht karte lag rahe haiñ

maiñ ḳhud se duur hotā jā rahā huuñ

purāne zaḳhm bharte lag rahe haiñ

ye bāzāroñ meñ mahñgā.ī kā aalam

sabhī chehre utarte lag rahe haiñ

kabhī pahle na the aise magar ab

sabhī mausam mukarte lag rahe haiñ

havā tūfān le kar aa rahī hai

shajar fariyād karte lag rahe haiñ

jahāñ se rāsta jaatā hai ghar kā

vahīñ par ham Thaharte lag rahe haiñ

ye mausam kaun sā aayā hai jis meñ

hare patte bikharte lag rahe haiñ

bahut mushkil hai sach kā saath denā

hamīñ se ham mukarte lag rahe haiñ

ġhazab kī raushnī hai mere andar

ka.ī sūraj utarte lag rahe haiñ

ajab aalam hai ab dīvāngī kā

dar-o-dīvār Darte lag rahe haiñ

mirī ḳhāmosh tanhā.ī ke lamheñ

bahut āvāz karte lag rahe haiñ

sañvārā hai ġhazal ko ham ne 'sājid'

ġhazal se ham sañvarte lag rahe haiñ

ye roz-o-shab guzarte lag rahe hain

magar lamhe Thaharte lag rahe hain

na jaane kab se lashen saD rahi hain

parinde gasht karte lag rahe hain

main KHud se dur hota ja raha hun

purane zaKHm bharte lag rahe hain

ye bazaron mein mahngai ka aalam

sabhi chehre utarte lag rahe hain

kabhi pahle na the aise magar ab

sabhi mausam mukarte lag rahe hain

hawa tufan le kar aa rahi hai

shajar fariyaad karte lag rahe hain

jahan se rasta jata hai ghar ka

wahin par hum Thaharte lag rahe hain

ye mausam kaun sa aaya hai jis mein

hare patte bikharte lag rahe hain

bahut mushkil hai sach ka sath dena

hamin se hum mukarte lag rahe hain

ghazab ki raushni hai mere andar

kai suraj utarte lag rahe hain

ajab aalam hai ab diwangi ka

dar-o-diwar Darte lag rahe hain

meri KHamosh tanhai ke lamhen

bahut aawaz karte lag rahe hain

sanwara hai ghazal ko hum ne 'sajid'

ghazal se hum sanwarte lag rahe hain