ye saat-e-rangini-e-afkar rahegi

ye sā.at-e-rangīnī-e-afkār rahegī

tā-umr yuuñ hī garmī-e-bāzār haigī

ḳhushbū-e-hadīs-e-lab-o-ruḳhsār rahegī

kal itnī javāñ zulf-e-shab-e-tār rahegī

dīvāngī jo be-dar-o-dīvār rahegī

galiyoñ meñ to zanjīr kī jhankār rahegī

chhat kāġhzī miTTī kī ye dīvār rahegī

bārish kī ināyat to lagātār rahegī

duniyā meñ yūñhī raunaq-e-pindār rahegī

kāñdhoñ pe mire sar hai to dastār rahegī

sūkhā huā patta to havāoñ meñ uḌegā

dhartī kī taraf shāḳh-e-samar-dār rahegī

sūraj mirī nas nas meñ pighalne lagā yaaro

phir dil pe ġham-o-dard kī yalġhār rahegī

chaTTān ke kaT jaane kā imkān bahut hai

paanī kī isī tarah jo raftār rahegī

bārish ke darīchoñ se chamakne lagī bijlī

'saifī' ye ghanī shab sahar-āsār rahegī

ye saat-e-rangini-e-afkar rahegi

ta-umr yun hi garmi-e-bazar haigi

KHushbu-e-hadis-e-lab-o-ruKHsar rahegi

kal itni jawan zulf-e-shab-e-tar rahegi

diwangi jo be-dar-o-diwar rahegi

galiyon mein to zanjir ki jhankar rahegi

chhat kaghzi miTTi ki ye diwar rahegi

barish ki inayat to lagatar rahegi

duniya mein yunhi raunaq-e-pindar rahegi

kandhon pe mere sar hai to dastar rahegi

sukha hua patta to hawaon mein uDega

dharti ki taraf shaKH-e-samar-dar rahegi

suraj meri nas nas mein pighalne laga yaro

phir dil pe gham-o-dard ki yalghaar rahegi

chaTTan ke kaT jaane ka imkan bahut hai

pani ki isi tarah jo raftar rahegi

barish ke darichon se chamakne lagi bijli

'saifi' ye ghani shab sahar-asar rahegi