ye sare phul ye patthar usi se milte hain

ye saare phuul ye patthar usī se milte haiñ

to ai 'azīz ham aksar usī se milte haiñ

ḳhudā gavāh ki un meñ vahī halākat hai

ye teġh-o-tīr ye ḳhanjar usī se milte haiñ

vo ek baar nahīñ hai hazār baar hai vo

so ham usī se bichhaḌ kar usī se milte haiñ

bichhā huā hai vo goyā bisāt kī sūrat

ye sab safed-o-siyah ghar usī se milte haiñ

ye dhuup chhāñv ye āb-e-ravāñ ye abr ye phuul

ye āsmāñ ye kabūtar usī se milte haiñ

ye ḳhaas sāz-e-azal se vo dajla-e-āhañg

ye nīl-o-zamzam-o-kausar usī se milte haiñ

ye motiyā ye chamelī ye mogrā ye gulāb

ye saare gahne ye zevar usī se milte haiñ

aqiiq gauhar-o-almās nīlam-o-yāqūt

ye sab nagīne ye kankar usī se milte haiñ

ye sare phul ye patthar usi se milte hain

to ai 'aziz hum aksar usi se milte hain

KHuda gawah ki un mein wahi halakat hai

ye tegh-o-tir ye KHanjar usi se milte hain

wo ek bar nahin hai hazar bar hai wo

so hum usi se bichhaD kar usi se milte hain

bichha hua hai wo goya bisat ki surat

ye sab safed-o-siyah ghar usi se milte hain

ye dhup chhanw ye aab-e-rawan ye abr ye phul

ye aasman ye kabutar usi se milte hain

ye KHas saz-e-azal se wo dajla-e-ahang

ye nil-o-zamzam-o-kausar usi se milte hain

ye motiya ye chameli ye mogra ye gulab

ye sare gahne ye zewar usi se milte hain

aqiq gauhar-o-almas nilam-o-yaqut

ye sab nagine ye kankar usi se milte hain