ye safed safhon ke hans hain inhen raushnai pe chhoD lun

ye safed safhoñ ke hans haiñ inheñ raushnā.ī pe chhoḌ luuñ

maiñ ḳhayāl-o-fikr kī jhiil se koī rabt-e-bāhamī joḌ luuñ

ho siyāh shab tirā izn gar to nashīle hoñToñ kī nok se

maiñ gulābī chāñd kī marmarīñ se pahāḌiyoñ ko jhiñjhoḌ luuñ

ye ināyatoñ ke babūl kā harā kāñTā merī talab nahīñ

mire aable baḌe narm haiñ inheñ sūkhī ghaas pe phoḌ luuñ

mirī tishnagī ko nasīb ho tirī qurbatoñ kī sharāb gar

maiñ badan ke ḳhālī gilās meñ tirā rang-rūp nichoḌ luuñ

zarā bāġhbāñ kī nazar haTe to maiñ uñgliyoñ se visāl kī

tire tan kī sāñvlī bel se ka.ī phuul bose ke toḌ luuñ

ye safed safhon ke hans hain inhen raushnai pe chhoD lun

main KHayal-o-fikr ki jhil se koi rabt-e-bahami joD lun

ho siyah shab tera izn gar to nashile honTon ki nok se

main gulabi chand ki marmarin se pahaDiyon ko jhinjhoD lun

ye inayaton ke babul ka hara kanTa meri talab nahin

mere aable baDe narm hain inhen sukhi ghas pe phoD lun

meri tishnagi ko nasib ho teri qurbaton ki sharab gar

main badan ke KHali gilas mein tera rang-rup nichoD lun

zara baghban ki nazar haTe to main ungliyon se visal ki

tere tan ki sanwli bel se kai phul bose ke toD lun