ye sang-o-KHisht ki barish ye zindagi ka badan

ye sang-o-ḳhisht kī bārish ye zindagī kā badan

lahū lahū nazar aatā hai aadmī kā badan

kaho añdheroñ se zulfeñ bikher deñ apnī

thakā thakā huā lagtā hai raushnī kā badan

vo zaḳhm haiñ ki jo dekho to aañkh bujh jaa.e

bahut hasīn hai yuuñ to mirī hañsī kā badan

ye kis kā lams milā hai zamīn-e-gulshan ko

tumhāre jism kī sūrat hai har kalī kā badan

dahakte jism pe halke se nylon kā libās

ho jaise jhiil ke paanī meñ chāñdnī kā badan

ḳhatā mu'āf magar ahl-e-dil ne bhī aksar

junūñ ke naam pe nochā hai 'āshiqī kā badan

ye sang-o-KHisht ki barish ye zindagi ka badan

lahu lahu nazar aata hai aadmi ka badan

kaho andheron se zulfen bikher den apni

thaka thaka hua lagta hai raushni ka badan

wo zaKHm hain ki jo dekho to aankh bujh jae

bahut hasin hai yun to meri hansi ka badan

ye kis ka lams mila hai zamin-e-gulshan ko

tumhaare jism ki surat hai har kali ka badan

dahakte jism pe halke se nylon ka libas

ho jaise jhil ke pani mein chandni ka badan

KHata mu'af magar ahl-e-dil ne bhi aksar

junun ke nam pe nocha hai 'ashiqi ka badan