ye shab mujhse kinara kar rahi hai

ye shab mujh se kināra kar rahī hai

baḌā ghāTe kā saudā kar rahī hai

na pūchho merī rusvā.ī kā 'ālam

chalo ḳhilqat tamāshā kar rahī hai

hujūm-e-shahr-e-nā-pursāñ meñ ham ko

mohabbat kaise tanhā kar rahī hai

maiñ Dhaltī shaam kā manzar huā huuñ

sahar ab mujh se parda kar rahī hai

zarā chakh lījiye nā hazrat-e-shaiḳh

ye mai kab se taqāzā kar rahī hai

jo zikr-e-karbalā na kar rahī ho

bhalā vo zindagī kyā kar rahī hai

nigāh-e-shauq kā 'ālam na pūchho

tavāf-e-rū-e-zebā kar rahī hai

nahīñ 'hammād' chārasāz koī

shab-e-ġham ḳhud dilāsa kar rahī hai

ye shab mujh se kinara kar rahi hai

baDa ghaTe ka sauda kar rahi hai

na puchho meri ruswai ka 'alam

chalo KHilqat tamasha kar rahi hai

hujum-e-shahr-e-na-pursan mein hum ko

mohabbat kaise tanha kar rahi hai

main Dhalti sham ka manzar hua hun

sahar ab mujh se parda kar rahi hai

zara chakh lijiye na hazrat-e-shaiKH

ye mai kab se taqaza kar rahi hai

jo zikr-e-karbala na kar rahi ho

bhala wo zindagi kya kar rahi hai

nigah-e-shauq ka 'alam na puchho

tawaf-e-ru-e-zeba kar rahi hai

nahin 'hammad' chaarasaz koi

shab-e-gham KHud dilasa kar rahi hai