ye shahr shahr-e-bala bhi hai kina-saz ke sath

ye shahr shahr-e-balā bhī hai kīna-sāz ke saath

nikal chalo kisī mahbūb-e-dil-navāz ke saath

yahī navā-e-adam hai yahī navāzish-e-kun

ḳhushā hikāyat-e-nai harf-e-nai-navāz ke saath

sū-e-nigār-o-sū-e-shahr-e-zar-nigār chaleñ

qalandrān-e-havasnāk-o-pāk-bāz ke saath

salām ham-nafaso al-firāq ham-safaro

safar hai duur kā vo bhī rah-e-darāz ke saath

ye ḳhirqa-posh faqīrān-e-ḳhāriq-ul-ādāt

hamāre qāfila-hā-e-niyāz-o-nāz ke saath

ye jañgaloñ kī masāfat ye naġhma-e-daf-o-chañg

ye vādiyoñ meñ iqāmat surūd-o-sāz ke saath

vo vajd-o-hāl kā aalam vo raqs-e-darveshāñ

shahān-e-nāz-o-gadāyān-e-be-niyāz ke saath

ḳhushā vo bāñg-e-azāñ vo tarāna-e-nāqūs

vo bandagī-e-sanam bandā-e-namāz ke saath

har ik faqīr ke lab par ye nāra-e-mastān

chale chalo adab-o-izz-o-imtiyāz ke saath

ye shahr shahr-e-bala bhi hai kina-saz ke sath

nikal chalo kisi mahbub-e-dil-nawaz ke sath

yahi nawa-e-adam hai yahi nawazish-e-kun

KHusha hikayat-e-nai harf-e-nai-nawaz ke sath

su-e-nigar-o-su-e-shahr-e-zar-nigar chalen

qalandran-e-hawasnak-o-pak-baz ke sath

salam ham-nafaso al-firaq ham-safaro

safar hai dur ka wo bhi rah-e-daraaz ke sath

ye KHirqa-posh faqiran-e-KHariq-ul-adat

hamare qafila-ha-e-niyaz-o-naz ke sath

ye jangalon ki masafat ye naghma-e-daf-o-chang

ye wadiyon mein iqamat surud-o-saz ke sath

wo wajd-o-haal ka aalam wo raqs-e-darweshan

shahan-e-naz-o-gadayan-e-be-niyaz ke sath

KHusha wo bang-e-azan wo tarana-e-naqus

wo bandagi-e-sanam banda-e-namaz ke sath

har ek faqir ke lab par ye nara-e-mastan

chale chalo adab-o-izz-o-imtiyaz ke sath