ye shahr shahr ki aabaadiyan fana ki taraf

ye shahr shahr kī ābādiyāñ fanā kī taraf

ye jītī-jāgtī āñkhoñ meñ vahshat-e-sahrā

mohabbatoñ ke basere nahīñ makānoñ meñ

humakte bachchoñ pe āseb-e-vaqt kā saayā

balā-e-roz-e-jazā Tal ga.ī saroñ se magar

diloñ kī tah meñ dhaḌaktī hai haibat-e-fardā

havas vo kāsa-e-sā.il ki har nafas ḳhālī

baham hai daulat-e-kaunain dil tahī-māya

ye mere ahd kī maḳhlūq jī rahī hai magar

nafas kī āmad-o-shud par madār hai is kā

ye shahr shahr ki aabaadiyan fana ki taraf

ye jiti-jagti aankhon mein wahshat-e-sahra

mohabbaton ke basere nahin makanon mein

humakte bachchon pe aaseb-e-waqt ka saya

bala-e-roz-e-jaza Tal gai saron se magar

dilon ki tah mein dhaDakti hai haibat-e-farda

hawas wo kasa-e-sail ki har nafas KHali

baham hai daulat-e-kaunain dil tahi-maya

ye mere ahd ki maKHluq ji rahi hai magar

nafas ki aamad-o-shud par madar hai is ka