ye shahr to hamein sahra dikhai deta hai

ye shahr to hameñ sahrā dikhā.ī detā hai

yahāñ har aadmī tanhā dikhā.ī detā hai

vo rāhbar ho ki rahzan ho yā rafīq-e-safar

hameñ to ek hī jaisā dikhā.ī detā hai

jo ḳhud-numā.ī kī farzī bulandiyoñ par hai

use har aadmī baunā dikhā.ī detā hai

nasheb-e-aql ke zindāniyoñ ko kyā mā'lūm

farāz-e-dār se kyā kyā dikhā.ī detā hai

basā.e rahtā hai yādoñ kī anjuman dil meñ

vo ek shaḳhs jo tanhā dikhā.ī detā hai

batā.ūñ kyā ki guzartī hai kyā mire dil par

chaman meñ jab bhī ujālā dikhā.ī detā hai

ye daur vo hai ki har lamha-e-hayāt hameñ

hamāre ḳhuun kā pyāsā dikhā.ī detā hai

usī ke zahr ke maare hue haiñ ham sab log

jo dekhne meñ masīhā dikhā.ī detā hai

jahāñ pe Dūbte sūraj kā 'aks thā larzāñ

vahīñ se chāñd ubhartā dikhā.ī detā hai

ye dekhte hī kahā dil ne mere saaqī ko

ye vaisā hai nahīñ jaisā dikhā.ī detā hai

ye shahr to hamein sahra dikhai deta hai

yahan har aadmi tanha dikhai deta hai

wo rahbar ho ki rahzan ho ya rafiq-e-safar

hamein to ek hi jaisa dikhai deta hai

jo KHud-numai ki farzi bulandiyon par hai

use har aadmi bauna dikhai deta hai

nasheb-e-aql ke zindaniyon ko kya ma'lum

faraaz-e-dar se kya kya dikhai deta hai

basae rahta hai yaadon ki anjuman dil mein

wo ek shaKHs jo tanha dikhai deta hai

bataun kya ki guzarti hai kya mere dil par

chaman mein jab bhi ujala dikhai deta hai

ye daur wo hai ki har lamha-e-hayat hamein

hamare KHun ka pyasa dikhai deta hai

usi ke zahr ke mare hue hain hum sab log

jo dekhne mein masiha dikhai deta hai

jahan pe Dubte suraj ka 'aks tha larzan

wahin se chand ubharta dikhai deta hai

ye dekhte hi kaha dil ne mere saqi ko

ye waisa hai nahin jaisa dikhai deta hai