ye sitam KHud pe hi Dhaya humne

ye sitam ḳhud pe hī Dhāyā ham ne

dil jo patthar se lagāyā ham ne

us kī tasvīr se bāteñ kar ke

dil kī duurī ko miTāyā ham ne

khul ga.e raaz to ehsās huā

saañp ko duudh pilāyā ham ne

ham se nazreñ na milā saktā thā

us ko kāñdhe pe biThāyā ham ne

qaid thā chāñd parindoñ jaisā

toḌ zanjīr uḌāyā ham ne

aa.ina dekh ke mahsūs huā

ḳhvāb be-vaqt sajāyā ham ne

ghar kī dīvār sadā detī hai

aur duniyā ko bulāyā ham ne

ḳhuun kā pyāsā jo kal tak thā 'asīm'

us ko siine se lagāyā ham ne

ye sitam KHud pe hi Dhaya hum ne

dil jo patthar se lagaya hum ne

us ki taswir se baaten kar ke

dil ki duri ko miTaya hum ne

khul gae raaz to ehsas hua

sanp ko dudh pilaya hum ne

hum se nazren na mila sakta tha

us ko kandhe pe biThaya hum ne

qaid tha chand parindon jaisa

toD zanjir uDaya hum ne

aaina dekh ke mahsus hua

KHwab be-waqt sajaya hum ne

ghar ki diwar sada deti hai

aur duniya ko bulaya hum ne

KHun ka pyasa jo kal tak tha 'asim'

us ko sine se lagaya hum ne