ye soch soch ke bismil pe kya guzarti hai

ye soch soch ke bismil pe kyā guzartī hai

ki dast-o-bāzū-e-qātil pe kyā guzartī hai

jo mere saath chalo chāñdnī kī sair ko tum

to dekhnā mah-e-kāmil pe kyā guzartī hai

merī tabāhī pe muñh pher kar na hañs ai dost

nazar milā ke tū kah dil pe kyā guzartī hai

charāġh bujh ga.e parvāne jal ke ḳhaak hue

na pūchh sāhab-e-mahfil pe kyā guzartī hai

jo hañs ke Duub ga.e haa.e un ko kyā mālūm

ki ab safīna-o-sāhil pe kyā guzartī hai

surūr-e-fāteh-e-manzil ke dekhne vaalo

ġhurūr-e-azmat-e-manzil pe kyā guzartī hai

tamāsha dekhne vaale samajh nahīñ sakte

tirī nazar pe mire dil pe kyā guzartī hai

ye soch soch ke bismil pe kya guzarti hai

ki dast-o-bazu-e-qatil pe kya guzarti hai

jo mere sath chalo chandni ki sair ko tum

to dekhna mah-e-kaamil pe kya guzarti hai

meri tabahi pe munh pher kar na hans ai dost

nazar mila ke tu kah dil pe kya guzarti hai

charagh bujh gae parwane jal ke KHak hue

na puchh sahab-e-mahfil pe kya guzarti hai

jo hans ke Dub gae hae un ko kya malum

ki ab safina-o-sahil pe kya guzarti hai

surur-e-fateh-e-manzil ke dekhne walo

ghurur-e-azmat-e-manzil pe kya guzarti hai

tamasha dekhne wale samajh nahin sakte

teri nazar pe mere dil pe kya guzarti hai