ye soz-e-dagh-e-dil ye shiddat-e-ranj-o-alam kab tak

ye soz-e-dāġh-e-dil ye shiddat-e-ranj-o-alam kab tak

hamāre hī liye ye jaur-e-gardūñ hai to ham kab tak

ye daftar ḳhatm hī hogā bhulā hī degā dahr is ko

ye his kab tak nazar kab tak zabāñ kab tak qalam kab tak

jo haiñ ahl-e-basīrat kahte haiñ aksar ye 'akbar' se

ġhanīmat hai tirā dam hind meñ lekin ye dam kab tak

ye soz-e-dagh-e-dil ye shiddat-e-ranj-o-alam kab tak

hamare hi liye ye jaur-e-gardun hai to hum kab tak

ye daftar KHatm hi hoga bhula hi dega dahr is ko

ye his kab tak nazar kab tak zaban kab tak qalam kab tak

jo hain ahl-e-basirat kahte hain aksar ye 'akbar' se

ghanimat hai tera dam hind mein lekin ye dam kab tak