ye subh ki ghaDi hai dua karne wala hun

ye sub.h kī ghaḌī hai du'ā karne vaalā huuñ

irsāl terī samt sabā karne vaalā huuñ

us ko dikhā rahā huuñ mohabbat kā rāsta

huuñ niiñd meñ par us kā bhalā karne vaalā huuñ

vājib se bhī buland zarā sī hai zindagī

farz-e-kifāya hai so adā karne vaalā huuñ

alfāz meñ bhī zikr tirā de rahā hai lau

irsāl koī ḳhat meñ diyā karne vaalā huuñ

dekhūñgā kaise karnī hai us se mufāhamat

filhāl koī dard baḌā karne vaalā huuñ

ye rang hai nayā koī mumTī ke ird-gird

pahle kabūtaroñ ko rihā karne vaalā huuñ

maiñ rakh rahā huuñ dast-e-hinā.ī pe chand phuul

phūloñ kī aur lā’līñ qabā karne vaalā huuñ

denā hai in ḳhayāloñ ko lafzoñ kā pairahan

apnī taraf se qaid havā karne vaalā huuñ

ye aaj kā hai tujh se mirā āḳhirī kalām

yā'nī adā namāz-e-'ishā karne vaalā huuñ

ye subh ki ghaDi hai du'a karne wala hun

irsal teri samt saba karne wala hun

us ko dikha raha hun mohabbat ka rasta

hun nind mein par us ka bhala karne wala hun

wajib se bhi buland zara si hai zindagi

farz-e-kifaya hai so ada karne wala hun

alfaz mein bhi zikr tera de raha hai lau

irsal koi KHat mein diya karne wala hun

dekhunga kaise karni hai us se mufahamat

filhaal koi dard baDa karne wala hun

ye rang hai naya koi mumTi ke ird-gird

pahle kabutaron ko riha karne wala hun

main rakh raha hun dast-e-hinai pe chand phul

phulon ki aur la’lin qaba karne wala hun

dena hai in KHayalon ko lafzon ka pairahan

apni taraf se qaid hawa karne wala hun

ye aaj ka hai tujh se mera aaKHiri kalam

ya'ni ada namaz-e-'isha karne wala hun