ye tajraba bhi adawat mein kuchh naya nahin tha

ye tajraba bhī 'adāvat meñ kuchh nayā nahīñ thā

vo lafz us ne sunā maiñ ne jo kahā nahīñ thā

mujhe ḳhabar thī ki ye baat phail jā.egī

maiñ is liye tire baare meñ sochtā nahīñ thā

qalam hue haiñ mire haath varna duniyā ko

na.e sire se banānā bhī mas.ala nahīñ thā

maiñ pahlā shaḳhs huuñ jo is jagah se guzrā huuñ

yaqīn kar ki yahāñ koī rāsta nahīñ thā

sabhī ko 'izzat-o-shohrat kī bhuuk le Duubī

suḳhan meñ ḳhauf thā lahje meñ dabdaba nahīñ thā

'ajīb log the murdoñ se baat karte the

jo mar rahe the unheñ koī pūchhtā nahīñ thā

tumhāre saath to har marhale pe ham bhī the

hameñ bhī dekh kisī kā bhī aasrā nahīñ thā

ye tajraba bhi 'adawat mein kuchh naya nahin tha

wo lafz us ne suna main ne jo kaha nahin tha

mujhe KHabar thi ki ye baat phail jaegi

main is liye tere bare mein sochta nahin tha

qalam hue hain mere hath warna duniya ko

nae sire se banana bhi masala nahin tha

main pahla shaKHs hun jo is jagah se guzra hun

yaqin kar ki yahan koi rasta nahin tha

sabhi ko 'izzat-o-shohrat ki bhuk le Dubi

suKHan mein KHauf tha lahje mein dabdaba nahin tha

'ajib log the murdon se baat karte the

jo mar rahe the unhen koi puchhta nahin tha

tumhaare sath to har marhale pe hum bhi the

hamein bhi dekh kisi ka bhi aasra nahin tha