ye tasawwur ka war jhuTa hai

ye tasavvur kā vaar jhūTā hai

ḳhvāb jhūTe haiñ saar jhūTā hai

phuul tum toḌ laa.e shāḳhoñ se

kyā bahāroñ se pyaar jhūTā hai

āñkhoñ meñ kuchh zabān par kuchh hai

terā kirdār yaar jhūTā hai

saarī gustāḳhiyāñ rahīñ qaa.em

us pe rutba vaqār jhūTā hai

lāpata huuñ maiñ ghar nahīñ koī

chiTThī jhūTī hai taar jhūTā hai

maut se tez dauḌ kis kī hai

umr par shahsavār jhūTā hai

dhuup ke shuul bikhre haiñ har suuñ

chāñdnī kā ḳhumār jhūTā hai

āñkhoñ meñ rakh hunar takallum kā

lafzoñ par e'tibār jhūTā hai

bār-e-ḳhātir hai ham ko fikr-e-zīst

hasratoñ kā mazār jhūTā hai

TūTnā aa.ine kī fitrat hai

pattharoñ se qarār jhūTā hai

'chāñd' kab tak karoge dil kā yaqīñ

aap kā intizār jhūTā hai

ye tasawwur ka war jhuTa hai

KHwab jhuTe hain sar jhuTa hai

phul tum toD lae shaKHon se

kya bahaaron se pyar jhuTa hai

aankhon mein kuchh zaban par kuchh hai

tera kirdar yar jhuTa hai

sari gustaKHiyan rahin qaem

us pe rutba waqar jhuTa hai

lapata hun main ghar nahin koi

chiTThi jhuTi hai tar jhuTa hai

maut se tez dauD kis ki hai

umr par shahsawar jhuTa hai

dhup ke shul bikhre hain har sun

chandni ka KHumar jhuTa hai

aankhon mein rakh hunar takallum ka

lafzon par e'tibar jhuTa hai

bar-e-KHatir hai hum ko fikr-e-zist

hasraton ka mazar jhuTa hai

TuTna aaine ki fitrat hai

pattharon se qarar jhuTa hai

'chand' kab tak karoge dil ka yaqin

aap ka intizar jhuTa hai