یہ تیرا خانۂ دل میں بھی رہنا اور جدا رہنا

یہ تیرا خانۂ دل میں بھی رہنا اور جدا رہنا

کہاں سے سیکھا تو نے اے بت کافر خدا رہنا

عصائے دل تمیز حق و باطل کھینچ دیتا ہے

اسے بخشا گیا ہے دہر میں یوں حق نما رہنا

حسد لالچ فریب و مکر نفرت سب ملاوٹ ہے

کہ انساں مرتبت لازم ہے ان سے ماورا رہنا

تری قسمت میں لکھا ہے اے دل اس شہر بے حس میں

کسی مفلس کی کٹیا کے دیے سا بس بجھا رہنا

عجب یہ سانحہ ہے فردی تنہائی و یکتائی

کسی کے قرب میں ہوتے ہوئے بھی دوسرا رہنا