ye tir hosh-ruba hai magar kaman nahin

ye tiir hosh-rubā hai magar kamān nahīñ

zamīn dhoke meñ rakkhegī āsmān nahīñ

mire bhī sāmne lab ko zarā sī jumbish deñ

mujhe milī hai ḳhabar aap be-zabān nahīñ

ujaaḌ sahrā ḳharāba ban aur vīrāna

har ek shai hai mirā ghar magar makān nahīñ

hai iḳhtiyār zamīñ par to āsmāñ kī havas

janāb aap ab itne bhī kuchh mahān nahīñ

vo shaḳhs merī mohabbat hai aur maiñ us kī

magar hamārā koī ek ḳhāndān nahīñ

hai ik fareb ye maktūb phaaḌ deñ is ko

adū ke lafz haiñ ye sab mirā bayān nahīñ

karā.e us se na hargiz bhī koī rakhvālī

vo ek chor hai ik chor pāsbān nahīñ

'azīz' hosh meñ aa jā ki asl duniyā hai

ye kohkan kī yā majnūñ kī dāstān nahīñ

ye tir hosh-ruba hai magar kaman nahin

zamin dhoke mein rakkhegi aasman nahin

mere bhi samne lab ko zara si jumbish den

mujhe mili hai KHabar aap be-zaban nahin

ujaD sahra KHaraba ban aur virana

har ek shai hai mera ghar magar makan nahin

hai iKHtiyar zamin par to aasman ki hawas

janab aap ab itne bhi kuchh mahan nahin

wo shaKHs meri mohabbat hai aur main us ki

magar hamara koi ek KHandan nahin

hai ek fareb ye maktub phaD den is ko

adu ke lafz hain ye sab mera bayan nahin

karae us se na hargiz bhi koi rakhwali

wo ek chor hai ek chor pasban nahin

'aziz' hosh mein aa ja ki asl duniya hai

ye kohkan ki ya majnun ki dastan nahin